3-TAONG GULANG NA BATA, PATAY MATAPOS PAGTULUNGANG PALUIN NG ROD AT IBULID SA ISANG SILID!

Pinalo ng isang babae at ng kanyang ina ang anak ng kasintahan nitong 3 taong gulang pa lamang na batang lalaki. Gamit nito ang isang plastic rod at pagkatapos ay ibinulid ito sa isang silid dahil ito ay umiinom ng gatas mula sa isang pitsel ayon sa mga otoridad ng Orlando, Florida nitong Lunes. Namatay rin kalaunan ang bata dahil sa mga natamo nito mula sa ginawa ng mag-ina.

Ayon sa arrest of affidavit na mula sa Office of Orange County Sheriff, ang mga suspek na sina Lakesha Lewis, 28, at ang ina nitong si Callene Barton, 58 ay kakasuhan ng first-degree murder sa salang pagpatay kay Xavier Mokarzel- Satchel. Ito ay walang pyansa.

Si Lewis ang kasintahan ng ina ni Xavier, na si Brandi Mokarzel. Ang tatlo ay nanirahan kasama si Barton at isa sa mga apo ni Barton sa isang Orlando apartment, ayon sa ulat ng pag-aresto.

Nagising si Brandi Mokarzel sa ingay na narinig nito habang sumisigaw si Barton sa bata. Sinabi ng mga imbestigador na hinawakan ni Lewis ang isang plastik na pamalo at paulit-ulit na sinasaktan si Xavier hanggang sa nasira ang baras. Sinabi nila na hinawakan ni Barton ang bata at inihagis pa ito dahilan ng pagkamatay ng bata.

Gayunpaman, isinugud si Xavier sa ospital ngunit makalipas ang apat na oras ay idineklara din itong patay na.