VM PAROJINOG, GUSTONG DUMALO SA LIBING NG KANYANG MGA MAGULANG!!

Humingi ng tulong si Vice Mayor Nova Parojinog kay PNP Chief Bato Dela Rosa matapos tanggihan ng korte ang hiling nitong dumalo sa libing ng kanyang mga magulang na sina Mayor Reynaldo Parojinog at ina nitong si Susan, kasama na rin ang iba pang mga kaanak niyang nasawi kamakailan lang dahil sa drug raid sa Ozamis City.

Nanawagan sa pamamagitan ng sulat si VM Nova at kapatid nitong si Reynaldo Jr. na tulungan silang makadalo sa libing ng kanilang mga magulang. Ngunit matatandaang hindi pinayagan ang magkapatid na Parojinog dahil na rin sa kanilang siguridad.

May kumakalat ring balita na maghihigante ang mga Parojinog kapag ito'y makakabalik sa Ozamis City, ngunit pinabulaanan nila ito. Hindi umano totoo ang mga usap usapan ng tao tungkol dito.

Sa ngayon ay inaantay pa ng mga Parojinog ang sagot ni PNP Chief Bato dahil wala pa rin itong sagot tungkol sa pakiusap ng mga Parojinog.

Kung kayo ang tatanungin, sang ayon ba kayo na dumalo sa libing ng kanyang mga magulang ang magkapatid na Parojinog? Well, kayo na ang bahala mga kabayan, mag iwan ng komento sa usaping ito.