Sinabi ni Pangulong Rodrigo Duterte noong Miyerkules na inutusan na niya ang pulisya na patayin ang kanyang sariling anak na si Davao City Vice Mayor Paolo Duterte kung kung mapapatunayang sangkot ito sa drug trade.
Inulit ni Duterte ang panatang ito sa gitna ng mga paratang ni Sen. Antonio Trillanes IV na ang pinakamatandang anak na si Paolo ay bahagi sa isang Chinese drug triad.
“Ang order ko nga non na 'pag may anak ako nasa droga, patayin niyo para walang masabi ang tao,” sinabi ng Pangulo sa isang pahayag sa awarding rites para ng mga civil servants ng Malacañang.
“Ang sabi ko kay Pulong, my order is to kill you if you are caught and I will protect the police who will kill you,” tinutukoy ang kanyang anak sa pamamagitan ng kanyang palayaw.
Sa isang pagdinig ng Senado noong ika-7 ng Setyembre ukol sa P6.4 bilyon na kargamento ng droga na dumaan sa Manila port, sinabi ni Trillanes na ang isang tattoo sa likod ng anak ng Pangulo ay patunay na siya ay miyembro ng drug triad.
Sinabi din ng senador na si Paolo at ang kanyang bayaw na lalaki na si Manases Carpio, asawa ni Davao City Mayor Sara Duterte, ay may higit P100 milyong piso bawat isa sa kanilang mga account sa bangko.
No comments:
Post a Comment