"Ang problema sa MRT- 3 ay minana ko lamang mula sa Administrasyong Arroyo"- Noynoy Aquino

Ipinaliwanag ng Dating Pangulong Benigno "Noynoy" Aquino III na namana lamang niya ang isyu sa MRT 3 mula sa Administrasyon ng dating Pangulo na si President Arroyo.

Ginawa ni Aquino ang pahayag na ito kasabay ng pagdiwang ng ika -85 na kaarawan ni dating Senador Benigno "Ninoy" Aquino Jr.

Ayon sa dating pangulo, bago pa man siya umupo sa pwesto ay plano na ng pamahalaang Arroyo na suriin ang mga sirang tren ngunit hindi ito natuloy.

Gayunpaman, nagpatuloy umano ang operasyon ng tren kahit luma na ang mga bagon nito sa ilalim ng dating maintenance provider na Sumitomo Corporation.

Iginiit ni Aquino na sinabihan sila ng Sumitomo na itataas nito ang presyo kung itutuloy pa ang magme-mentina ng MRT dahil sa sobrang paggamit ng publiko.