Hindi kasali sa pers0nal choice ni Pangulong Rodrigo Duterte si Presiential COmmunications Operations Office (PCOO) Assistant Secretary Mocha Uson sa senatorial slate ng administrasyon sa darating na 2019 midterm elections.
Ayon sa Pangulo, may mga pinagpipilian na siya at mayroon ding mga pamantayan kung sakaling mag-endorso siya sa mga tatakbong senador sa 2019 elections.
Kabilang sa mga pinagpipilian ni Pangulong Duterte ay sina Agriculture Secretary Manny Piñol at Undersecretary Berna Romulo Puyat.
Sinabi ng Pangulo na pipiliin niya ang mga taong siguradong makatutulong sa pagbaba ng presyo ng pagkain at sa ating pang-araw-araw na pangangailangan.
“Kung sino ‘yung makakatulong sa Filipino na bababa ‘yung presyo ng pagkain, at mayroon tayong supply na marami. Sino ‘yung makakatulong sa kapwa niya tao and who has the best of the ideas, baka ‘yun ang mga tao na kukunin ko or I might also nominate them,” pahayag ng Pangulo.
Pero tiyak aniya na mag-eendoso din ang administration party na Partido Demokratikong Pilipino-Laban ng Bayan (PDP-Laban) kaya’t magkakaroon ng bigayan kung sino ang inonomina.
Kaugnay naman sa pag-endoso ni House Speaker Pantaleon Alvarez kay Uson, sinabi ng Pangulo na hayaan ang mga tao ang magpasya kung iboboto siya o hindi.
“Let the people decide. It’s not a one-man story or critique. Let the people decide. Kung ginusto nila ‘yan, then that’s it. It will be honored by all, including the military and the police. ‘Pag ‘yan ang pinili ng mga Filipino, you might not like her; her ways might not suit your values. But if that guy or woman is elected by the people, then you have to honor that choice,” dagdag ng Pangulo.
Source
No comments:
Post a Comment