CBCP, NILINAW na WALANG MASAMA ang pagbibigay ng ROSARYO kay DE LIMA!

Maliwanag na sinabi ng (CBCP) o Catholic Bishop Conference of the Philippines na normal lang at walang masama ang pagbibigay ng rosaryo ni Pope Francis kay Detained Senator Leila De Lima.

Ang nasabing Senator ay sumulat umano sa Santo Papa at humingi rin ng panalangin.

Bilang tugon naman ng pinuno ng Simbahang Katolika, pinadalhan ito ng rosaryo para ihingi kay mahal na birheng Maria ang lahat ng kanyang kahilingan sa Panginoong Hesukristo.

Dagdag pa ni CBCP President Romulo Valles, obligasyon ng simbahan na gabayan ang lahat ng mga miyembro na naliligaw ng landas at hindi tinitingnan ng simbahan kung makasalanan ang isang kasapi ng Simbahang Katolika.

Wika ni Valles, lahat umano ng tao na sumusulat sa Santo Papa ay tinutugunan ng pinuno ng Simbahang Katolika at binibigyan ng rosaryo bilang isang simbolo ng mataimtim na panalangin ng isang Katoliko sa Birheng Maria.