Sinabi ni Senador Risa Hontiveros noong Biyernes, sa halip na sunugin ang 4.7 milyong pack ng Mighty na sigarilyo ay dapat ibinenta nalang ito sa publiko upang makapagbigay pa ito ng karagdagang pondo para sa pamahalaan.
Ang mga sigarilyo na nagkakahalaga ng P142.440 milyon ay kinumpiska ng mga awtoridad mula sa Sunshine Cornmill Co. sa General Santos City noong Marso 6.
Ayon sa Department of Finance, ang Mighty Corp ay may tinatayang excise tax liability and penalty na nagkakahalaga ng hindi bababa sa ₱ 1.394 bilyon batay sa nakumpiskang mga sigarilyo.
Ngunit ang naunang pahayag ni Hontiveros ay huli na sapagka't sinunog na ng mga awtoridad ang P4.7 milyon pack ng Mighty Corp. na may mga pekeng selyo sa Davao City ngayon .
Sa isang ulat ni Victoria Tulad sa radyo dzBB ay sinabi nitong gaganapin ang pagsunog ng mga sigarilyo sa Holcim plant.
“Sayang naman kasi pag sinunog natin. Pwede namang i-consume yan ng public. Label lang naman ang problem di ba, ang laman ok naman, Kung ibebenta natin, more than ₱100 million pa ang peperahin ng gobyerno at pwede kahit i-donate sa Marawi,” pahayag ni Hontiveros.
Siguro kong lahat na illegal na nahuhuli ng gobyerno ay ibenebenta, malaki na ang naipon nating pera. Para sa akin kasi useless yong pag sira sa mga confiscated good e. Ang dami nating sinasayang,” ani Hontiveros.
Ang Mighty Corporation ay nagbayad ng higit sa P20 bilyon bilang tax penalty matapos bantaan ng Pangulo ang may-ari ng company ilang buwan na ang nakakaraan.
No comments:
Post a Comment