Limangpung pakete ng sigarilyo at dahon ng tabako ang natagpuan sa loob ng isang balde ng biskwit na dala ng isang pari sa Bohol District Jail sa Tagbilaran City nitong Linggo.
Ayon kay Jail Warden Chief Inspector Felipe Montejo, naimbistigahan na si Fr. James Darunday, ang resident chaplain ng naturang kulungan.
Ayon kay Darunday, misis ng inmate ang nakisuyo sakanya na dalhin ang balde ng biskwit para sa kanyang asawa na nakakulong dahil sa iligal na droga.
Pero agad na nakumpiska ito sa pagpasok pa lamang ng pari sa pasilidad kung saan nakitang may 50 pakete ng sigarilyo at dahon ng tabako ang nakatago sa ilalim nito.
Samantala, hindi umano kakasuhan ang pari pero posibleng hindi na ito payagan pang makapasok sa pasilidad upang mag-misa.
Sa ngayon ay wala pang pahayag ang Diocese ng Tagbilaran hinggil sa insidente.
No comments:
Post a Comment