Duterte: "Ako at si Marcos lamang ang mga Pangulong nagmahal sa mga sundalo."

Inihalintulad ni Pangulong Rodrigo Duterte ang pagmamahal niya sa mga sundalo sa ipinakitang pagmamalasakit rin sa mga ito ni dating Pangulong Ferdinand Marcos.

Ayon kay Duterte, dalawang pangulo lamang ang naging “lover” sa mga sundalo – siya lang at si dating Pangulong Marcos.

Sa ilalim lang aniya kasi ng panunungkulan nila ni Marcos nangyari na nakuha ng mga sundalo ang kanilang mga kahilingan tulad na lamang ng dagdag sahod.

“Never was a time, I am not being boastful. There was no other President, only two, in providing such attention to a soldier. Me and Marcos only. Marcos was also a lover of soldiers,” ani Duterte.

Ito aniya ang dahilan kung bakit sinasabi niya sa mga sundalo na kung may problema ang mga ito, tawagan lamang siya dahil baka mayroon siyang maitulong o magawan niya ito ng paraan.

“I told you if you have a problem or you cannot solve your problem here just call me. Maybe, just maybe, I can solve it,” ayon sa pangulo.

Paliwanag ng Pangulo, ginagawa niya ito dahil ikinalulugod niya ang serbisyo ng mga sundalo sa bayan.

Nangako rin siya na ibibigay niya ang lahat ng mga kagamitang kakailanganin ng mga ito.

Samantala, binalaan naman ni Duterte ang militar sa pagsabak sa panibago na namang gulo dahil mas naging “brazen” o walang hiya na ang New People’s Army (NPA).

Mensahe ng Pangulo sa mga rebelde, huwag siyang sisihin sa paglulunsad ng giyera laban sa mga NPA dahil sinubukan niyang makipag-ayos at nagpalaya pa siya ng mga political prisoners.

Source