Binati ni Pangulong Rodrigo Duterte si Vice President Leni Robredo ng “My lady” sa graduation ng Philippine National Police Academy (PNPA) sa Silang, Cavite ngayong hapon.
Ayon sa pangulo, ito na ang ikatlong pagkakataon na nagkasama sila ni Robredo sa loob lamang ng isang linggo.
Ayon pa sa pangulo, sana may graduation pang iba para muli silang magkita ni Robredo.
Unang nagkasama ang pangulo at si Robredo noong linggo sa graduation rites sa Philippine Military Academy sa Baguio City.
Ang ikalawa ay ang 121st anniversary ng Philippine Army kahapon sa Taguig City at kanina nga ay sa graduation ng PNPA Maragtas Class of 2018.
Ayon sa pangulo, gusto niyang nakikita ang bise presidente.
“I love to see my Vice President.”
Matatandaang nasira ang relasyon ng dalawang matataas na opisyal matapos sibakin ni Pangulong Duterte si Robredo bilang chairperson ng Housing and Urban Development Coordinating Council.
Ayon sa pangulo, kaya niya sinibak noon si Robredo dahil sa patuloy na pagbanat sa kanyang administrasyon.
No comments:
Post a Comment