DRILON, TUTOL sa balak ni Duterte na IBALIK sa PNP ang pamumuno sa WAR on DRUGS!

Umaasa si Senate Minority Leader Franklin Drilon na hindi ibabalik ni Pangulong Rodrigo Duterte sa Philippine National  Police ang pamumuno sa war on drugs.

Sa isang panayam, sinabi ni Drilon na malinaw sa batas na ang pagsugpo sa iligal na droga ay nasa Philippine Drug Enforcement Agency (PDEA).

Una nang sinabi ni Duterte na sakaling patuloy ang paglala ng problema ng bansa sa iligal na droga ay ibabalik niya sa PNP ang pamumuno sa war on drugs.

Noong Enero, inalis ng Pangulo sa PNP ang pamumuno sa kampanya ng pamahalaan kontra droga kasunod ng pagkakasangkot ng ilang pulis sa pagpatay sa Koreanong si Jee Ick Joo.

Pero makalipas ang isang buwan, muling ding ibinalik ni Pangulong Duterte sa PNP ang war on drugs.

Noong nakaraang buwan, muling ipinag-utos ng Pangulo sa PNP na itigil na ang kanilang mga anti-drugs operation at ibinigay sa PDEA ang pamumuno sa drug war kasunod ng pagkakapatay sa mga menor de edad, kabilang na si Kian.

Source