NOYNOY AQUINO, isasali sa DENGVAXIA SENATE HEARING!

Iimbitahan si dating pangulo Benigno 'Noynoy' Aquino III sa hearing ng dengvaxia issue, ito ang kinumpirma ni Sen. Richard Gordon, pinuno ng Senate Blue Ribbon Committee na mag-iimbestiga sa nasabing isyu.

Ayon kay Gordon, mahalagang maipaliwanag ni Aquino ang nilalaman ng kanilang pag-uusap ng opisyal ng Sanofi-Pasteur, na siyang gumawa ng bakunang Dengvaxia.

Sa impormasyon ay dalawang ulit nakipag-pulong ang dating pangulo sa mga opisyal ng naturang kumpanya sa France.

Matapos kasi ang naturang pagpupulong ay napabilis ang proseso ng pagbili ng P3.5 bilyong pisong halaga ng Dengvaxia ng gobyerno sa Sanofi-Pasteur.

Ngayong Lunes naman nakatakdang simulan ng Senado ang hearing sa anti-dengue vaccination program na ginamitan ng Dengvaxia.

Matatandaang mismong ang Sanofi-Pasteur pa ang naglahad na posibleng makaranas ng mas malalang sintomas ng dengue ang isang taong nabakunahan kung hindi pa ito nagkakaroon ng dengue.

Gayunpaman, nilinaw ng Sanofi-Pasteur na hindi naman nakamamatay ang naturang kaso.