“Happy first anniversary sa kulungan.”
Ito ang maiksing mensahe ng Malacañang ng kay Senator Leila De Lima na ngayon ay isang taon nang nakakulong sa PNP Custodial Center sa Camp Crame dahil sa pagkakadawit nito sa operasyon ng ilegal na droga.
Ayon kay Presidential Spokesman Harry Roque, hindi makikiaalam ang Palasyo sa trabaho ng korte kung saan nakabinbin ngayon ang kaso ni De Lima.
Ayon kay Roque, hindi dapat sa Malacañang humihirit ang minority senators na palayain na sa De Lima sa halip sa korte nila mismo idulog ang kanilang panawagan.
Naniniwala rin si Roque na alam ng mga mambabatas na hiwalay ang trabaho ng sangay ng ehekutibo, lehislatura at hudikatura.
No comments:
Post a Comment