DUTERTE, HINAMON ANG MGA KRITIKO NA PATUNAYANG DAWIT ANG ANAK SA UKAY SMUGGLING!

Muling hinamon ni Pangulong Rodrigo Duterte ang kanyang mga kritiko upang patunayang dawit nga ang kanyang anak na si Paolo Duterte sa ukay-ukay  smuggling dahil 'pag nagkagayon ay handang siyang magbitiw sa pwesto.

Sa isang pangyayari sa Santo Tomas, Batangas, ipinaliwanag ni Duterte na tinutulungan lang ni Paolo ang kanyang mga kamag-anak,  na "Muslim vendor" na nagbebenta ng mga garapon at ukay-ukay sa Davao City.

"Pero kung 'yung mga jars, ukay-ukay, 'yung pinapalusot ng in-laws niya, if that is smuggling, then give me an accounting and I will resign," ayon kay Duterte.

"I am not defending my son. Prove it, (if) it is true, and I will resign,"dagdag pa ng Presidente.

Ang anak ni Duterte na si Paolo ay ang Vice Mayor ng Davao City kung saan ang Pangulo ay Mayor sa higit sa dalawang dekada.

Ang mga dokumentong mula sa Presidential Anti-Smuggling Group at National Bureau of Investigation (NBI) noong 2007 ay nagpapakita na ang mas batang Duterte ay responsable para sa di-umano'y smuggling ng mga luxury vehicles, rice, sugar, at mga ginamit na damit sa lungsod.