Bukas si Philippine National Police (PNP) chief Director General Ronald dela Rosa kay Vice President Leni Robredo na tumakbo sa pagka-Pangulo sa 2019 ngunit mayroon lamang siyang isang kondisyon: Dapat niya munang patapusin ang termino ni Pangulong Rodrigo Duterte.
"Sana tulungan na lang niya ang presidente, anyway, she will have her time, she will have her time pagkatapos nito...Kung gusto niyang mag-presidente, subukan natin siya. Basta patapusin muna 'yung buong administration ni presidente," pahayag ni Dela Rosa noong lunes sa forum ng World's Pandesal Day.
Sa isang speech nuong siya'y bumiyahe papuntang Myanmar noong Marso, sinabi ni Pangulong Rodrigo Duterte na nagmamadali si Robredo na maging Pangulo.
Kabilang sa mga programa ng pamahalaan na binatikos ni Robredo ay ang popular ngunit nakamamatay na digmaan kontra droga ng PNP.
Sa forum, ipinagtanggol naman ni Dela Rosa ang kanilang giyera kontra droga at ang nangangasiwa't kumakatawan nito habang binigyang diin na karamihan sa mga Pilipino ay sumusuporta parin kay Duterte ayon sa survey.
"Kahit mamatay mangisay sila dyan sa kakasigaw, ano man galit nila sa administration pero the majority of the Filipino people support the President. I don't think na kakayanin nila but then again we are ready. Andiyan 'yung ating PNP," ani Dela Rosa.
No comments:
Post a Comment