Ang mga nanay ng ilan
sa mga Grade 6 ay Napasugod sa San Francisco Elementary School matapos
mabalitaan na ang mag-aaral na si Aimy Tamayo ay dinapuan ng dengue.
Ang ina ni Aimy na si
Lejani ang mismong nagpatawag sa mga magulang bilang presidente ng Parents
Teachers Association ng eskuwelahan.
Daing ng mga ito, pare-pareho
ang kanilang pangamba sa mga kumplikasyon na maaring maidudulot ng Dengvaxia sa
kanilang mga anak.
Nagbahagi rin ang ilan
sa kanila na mula nang maiturok sa kanilang mga anak ang pangatlong dose ng
Dengvaxia ay kung anu-ano ng sakit ang dumapo sa kanilang mga anak.
Kasalukuyan, hinihintay
pa ang resulta ng pagsusuri sa dugo ni Aimy na isinasagawa sa Research
Institute for Tropical Medicine (RITM).
Aminado naman ang
principal ng paaralan na si Sonny Casino na maraming mga magulang ang
nangangamba sa epekto ng Dengvaxia sa kanilang mga anak.
No comments:
Post a Comment