May naitala ang DOH na
halos 1,000 kaso na may adverse effects o pagkakasakit kasunod ng bakuna kung
saan 30 ang kinailangang maospital.
Apat naman ang
naitalang kaso ng pagkamatay kasunod ng pagbakuna bagamat may debate pa kung
may kinalaman ito sa immunization program.
“DOH reported that
there were 997 reported cases between March 18 to August 20, 2016, thirty (30)
of which were considered as serious cases that needed hospitalization.”
Sa katunayan, ilang
beses ring humarap sa pagdinig noong nakaraang taon ang mga kinatawan ng
gobyerno, Sanofi Pasteur na manufacturer ng Dengvaxia, at mga public health
expert dahil sa mga kuwestiyon sa kaligtasan ng Dengvaxia.
Sa mga nauna nitong
pagdinig noong nakaraang taon, lumabas na sa draft committee report ng House
Health Committee na may mga duda sa pangmatagalang epekto ng bakuna kontra
dengue na Dengvaxia.
“The conflicting theories of experts on the
efficacy of the dengue vaccine and the lingering uncertainty about its long
term safety had caused some degree of apprehension among various sectors,” ayon
sa draft committee report.
Kasama sa mga
rekomendasyon sa draft committee report ang pagpapatigil ng programang bakuna
hangga’t hindi natutugunan ang mga isyung lumabas sa pagdinig.
No comments:
Post a Comment