LIBERAL PARTY binatikos ang MALACAÑANG sa panghihimasok sa kaso ni NAPOLES!

Via rappler.com

Binatikos ng Liberal Party (LP) ang Malacañang sa panghihimasok sa kasong pandarambong ni Janet Lim-Napoles na itinuturong utak ng pork barrel fund scam.

Sa inilabas na pahayag ng LP, sinabi nitong tila binibigyan proteksyon pa ng gobyerno si Napoles habang marahas ang pagtrato sa mga mahihirap na nasasangkot sa krimen.

Via rmn.ph

“Bakit pag mahirap na suspek, patay agad, pero pag mayamang may kapit, pro-proteksyunan pa ng estado? Tama ba yan?” saad ng pahayag mula sa LP.

Iginiit rin ng partido sa administrasyon na hayaan na lang na umusad sa korte ang kaso.

Sa katunayan, iginiit pa ng partido na tila pambabastos ito sa sistema ng hustisya sa bansa.

Sa isang hiwalay na pahayag, kinuwestyon din ni Sen. Grace Poe ang pagpasok ni Napoles sa Witness Protection Program (WPP) ng pamahalaan.

Via inquirer.net

Kinuwestiyon niya kung tinatamad na naman ang mga state prosecutors na maghanap ng ebidensiya kaya’t umaasa sa testimoniya ng mismong kriminal.

Una rito, sinabi ng abogado ni Napoles na si Atty. Stephen David na mismong sina Executive Secretary Salvador Medialdea at Justice Secretary Vitaliano Aguirre II ang nagpayo sa kanila para sa gagawing hakbang sa sitwasyon ng kaniyang kliyente.

 “Lumitaw na kung sino talaga ang nasa likod ni pork barrel scam queen na si Janet Lim Naples sa kanyang paghingi ng proteksyon mula sa Department of Justice. Ayon na mismo sa kanyang abugado na si Stephen David, ang kanilang paghiling sa korte na mailipat si Napoles mula sa BJMP patungong DOJ ay bunsod ng mungkahi ni Executive Secretary Salvador Medialdea at Justice Secretary Vitaliano Aguirre,” wika ng LP.

Anong masasabi mo sa balitang ito? Magbahagi ng iyong komento.

Source