 |
| Dangerous Drugs Board (DDB) Dionisio Santiago |
Pinabulaanan ng dating chairman ng Dangerous Drugs Board (DDB) na si Dionisio Santiago ang mga alegasyon sa kanya ng Palasyo na nagwaldas ito ng pondo ng gobyerno para sa biyahe nito sa ibang bansa.
Sinabi ni Presidential
Spokesperson Harry Roque noong nakaraang Lunes na isa sa mga dahilan kaya
pinagbitiw ni Pangulong Rodrigo Duterte si dating DDB Chairperson Dionisio
Santiago ay dahil sa mga maluluhong biyahe nito sa ibang bansa.
Depensa ni Santiago,
may maayos na travel authority ang mga kasama niya sa pulong na masusing pinili
rin bago napabilang sa delegasyon.
Pinaratangan din si
Santiago na tumanggap ng pera mula sa mga drug lord at bahay mula kay Reynaldo
Parojinog Sr., ang napaslang na alkalde ng Ozamiz na iniuugnay sa droga.
Ayon pa kay Santiago,
maaaring iba ang tinutukoy na "Santiago" na may kinalaman kay
Parojinog.
Nilinaw din nito na
wala siyang sama ng loob sa Pangulo, pero humirit na hindi karapat-dapat na
tagapagsalita ng Pangulo si Roque.
Hindi aniya tinitiyak
ni Roque kung totoo ang mga impormasyong natatanggap.
Una nang naiulat na
pinaalis sa puwesto si Santiago dahil sa pahayag niyang “mistake” o
pagkakamali ang pagtayo ng malaking drug rehabilitation center sa isang
military camp sa Nueva Ecija.
No comments:
Post a Comment