“Fake news”
Kumakalat ngayon sa social media ang balitang pinatay ang taxi driver na si Virgilio Doctor.
Ayon sa article,
pinagbabaril umano si Mang Virgilio ng riding in tandem nang ito ay papauwi na
sana mula sa pamamasada. Itinuturong utak si Interior sa sinasabing pamamaslang
sa taxi driver.
Matatandaang si Mang
Virgilio ang taxi driver na sinampal at pinagmumura ng nakagitgitang call
center supervisor na si Cherish Sharmaine Interior matapos makagitgitan sa
kahabaan ng Congressional Avenue sa Quezon City.
Sa katunayan, nilinaw
naman ito ni Atty. Ariel Inton ng Lawyers for Commuters’ Safety and Protection
at kasalukuyang abugado ni Mang Virgilio, na hindi totoo ang kumakalat sa
social media.
Ayon kay Inton, buhay
na buhay pa ang 52 taong gulang na taxi driver at pursigidong ituloy ang kaso
laban kay Interior.
Kaya naman hinimok ni
Inton na itigil na ang pagkakalat ng naturang article. Babala ng abugado,
maaari nilang sampahan ng kaso ang mga nasa likod ng pagkakalat at pagbuo ng
naturang fake news.
WATCH: NETIZENPH
WATCH: NETIZENPH
No comments:
Post a Comment